Hrangbana Memorial 3rd Mizoram Badminton League

23^rd September, 2017

A vawithumnan Hrangbana Memorial Mizoram Badminton League chu khelh a ni leh dawn ta a. Hemi buaipui tura din Organizing Committee chuan nasa takin hma an la mek zel a ni. 3rd MBL ah hian veng/khua hrang hrang pasarih ten inelna an nei dawn a, chungte chu:

1. Kanan Veng
2. Mission Veng
3. Tuikual
4. Champhai (Ralte Villa)
5. Hlimen
6. Zotlang
7. Chanmari

3rd MBL hi November, ni 13 atanga 24 chhunga khelh tura ruahman niin, he intih siakna atan hian Organizing chuan inkaihhruaina dan an buatsaihin Mixed Team-a inel tur a ni dawn a ni. Mixed Team ah hian U19 BS, MS (2), MD leh XD te hmanga in khelh tur a ni dawn a ni. Player pakhat hian category pahnih a khel thei anga, MS ah erawh a khel nawn thei dawn lo a ni. MBL khel tur hian Organising-in a buatsaih Player Registration Form hmanga Registration tih tur a ni dawn a ni.

He inelnaa lawmman tur hi Champion in Rs 2,50,000/-, Runners Up in Rs 1,50,000/- leh Semi-Finalist in Rs 50,000/- te a ni a nga, hei bakah hian Match Money a awm anga, a chak zawkin Rs 2,000/- leh chak lo zawkin Rs 1,000/- an dawng zel bawk ang. Heng bakah hian Mimal lawman bikah Player of the Tie, Player of the Tournament leh Most Promising Player te thlan tur a ni bawk ang.